Kryeministri Albin Kurti e vlerësoi si historike ditën e sotme në të cilën u nënshkrua marrëveshja me MCC për programin Kompakt.
“Është një ditë historike për Kosovën dhe Shtetet e Bashkaura, sinjalizon partneritetin për qëllime të përbashkëta. Strategjia jonë e energjisë shkruan rrugën tonë drejtë një të ardhme të dekarbonizuar. Ky program kompakti është esencial, jemi duke punuar intensivisht për të garantuar një furnizim me energji që është i përballuar për të gjithë”, deklaroi Kurti.
Kurti shtoi se kjo marrëveshje vjen në një moment të rëndëisshëm për Kosovën.
“Ky bashkëpunim i ngushtë e bën Kosovën të jetë një vend që ecë drejt prodhimit të energjisë së pastër. Nënshkrimi i kësaj marrëveshje vjen në moment të rëndësishëm për Kosovën. Në fund të këtij viti do të fillojmë me promovimin e energjisë solare. Jemi këtu në këtë ceremoni speciale duke falënderuar lidershipin e znj Albright dhe ministres Rizvanolli”, shtoi Kurti.
