Presidentja e Kosovës, Vjosa Osmani, lidhur me fjalimin e saj në Këshillin e Sigurimit të Kombeve të Bashkuara,në Nju Jork, ku po diskutohej për situatën në Kosovë, ka folur për situatën në vend e cila po sfidohet nga Serbia.
E para e vendit, në pyetjen për fjalimin e Vuçiqit, tha se diskutimi i tij ka qenë post-traumatik.
“Ai ka bërë një sërë deklaratash post-traumatike. Ajo çfarë kemi bërë ne është thjeshtë e kemi thënë të vërtetën dhe vetëm të vërtetën para syve të botës dhe të vërtetën nuk mundet askush ta sulmojë e as ta mohojë e as Serbia. Kështu që gjërat që kam thënën në seancë të gjitha janë të konfirmuara nga raportet ndërkombëtare dhe vendimet të gjykatave ndërkombëtare”, tha ajo.
Ndryshe, në seancën e OKB-së më 22 prill, presidentja e Kosovës, Vjosa Osmani, një pjesë të fjalimit të saj ua ka dedikuar grave që janë të mbijetuara nga masakrat e kryera nga forcat jugosllave në Kosovë.
Të pranishme në këtë seancë me Osmanin kanë qenë: Elhame Muçolli, një grua që ka familjarë të zhdukur në luftë, Fahrije Hoti, si dhe dy gra të mbijetuara të dhunës seksuale gjatë luftës në Kosovë, Vasfije Krasniqi dhe Shyhrete Tahiri.
