Ministri i Bujqësisë, Pylltarisë dhe Zhillimit Rura, Faton Peci sot ka vizituar veriun e vendit për të inspektuar pyjet që janë dëmtuar në masë të madhe edhe në atë pjesë.
Gjatë kësaj vizite ministri Peci ishte i shoqëruar nga Ministri i Brendshëm Xhelal Sveçla.
Peci përmes një postimi në facebook ka thënë se ligji duhet të zbatohet njëjtë në gjithë territorin e Shtetit.
Ministri Peci ka thumbuar edhe ata që dikur këtë pjesë të vendit donin ta bënin pjesë të pazareve:
” politike Bandat politike dëshironin dikur që këtë territor të Kosovës ta falnin e ta bënin pjesë të pazarit” ka shkruar peci në reagimin e tij.
Peci ka thënë se pas më shumë se 10 viteve stagnim, tani kemi në fuqi Ligjin e Ri të Pyjeve i cili bartë kompetencat e mbrojtjes së pyjeve nga niveli lokal në atë qëndror.
Më poshtë postimi i plotë i misistrit Peci:
Në kuadër të aktiviteteve dhe përgjegjësive institucionale, së bashku me Ministrin e MPBAP z.Xhelal Sfeqla, ishim sot në veriun e vendit.
Bandat politike dëshironin dikur që këtë territor të Kosovës ta falnin e ta bënin pjesë të pazarit.
Si ka thënë i madhi Ali Podrimja, “tokë me nda nuk kam”. I porosisim të gjithë se kufijtë e Kosovës nuk i prekë dot askush ngase koha e pazarxhinjve politik ka përfunduar përgjithmonë.
Pas më shumë se 10 viteve stagnim, tani kemi në fuqi Ligjin e Ri të Pyjeve;
Ligji i ri i Pyjeve i bartë kompetencat e mbrojtjes së pyjeve nga niveli lokal në atë qëndror.
Me përgjegjesi të reja rritet niveli i përgjegjësisë për menaxhim të qëndrueshëm dhe shfrytëzim të pyjeve.
Në komunat veriore do të rekrutojmë staf të ri të cilët do të kenë përgjegjësinë për mbrojtjen e pyjeve.
