Instituti V-Dem, me bazë në Suedi, ka publikuar një raport për progresin demokratik të shteteve. Në këtë raport Kosova, bashkë me Republikën Dominikane, janë vlerësuar si vende në demokratizim.
Lidhur me këtë raport ka shkruar kryeministri i Kosovës, Albin Kurti, i cilin në një postim në platformën “X”, ka theksuar se Kosova në këtë aspekt është më lart se shtetet e tjera të Ballkanit Perendimor.
“Progresi ynë demokratik vazhdon të njihet ndërkombëtarisht! Raporti për vitin 2024 i vdeminstitue ka vendosur Kosovën në pozitë të përmirësuar dhe ka cilësuar si një prej të paktave demokraci që ka treguar përmirësim globalisht. Në pozitën e 62, Kosova është më lart sesa krejt shtetet e Ballkanit Perëndimor”, ka shkruar Kurti.
