Një tjetër talent kosovar ka zgjedhur të luaj për kombëtaren zvicerane.
Leon Avdullahu i cili këtë sezon po shkëlqen te skuadra e Baselit, shtë gati të debutojë në kombëtaren U21.
Ai ndeshjen e parë do ta zhvillojë kundër kombëtares së Shqipërisë, të martën e ardhshme në kuadër të kualifikueseve për Kampionatit Evropian.
Avdullahu ka thënë se kjo është një ndeshje e veçantë për të dhe familjen e tij.
“Një lojë e veçantë, edhe për familjen time. Në fund të ditës është një lojë krejtësisht normale.”, tha futbollisti kosovar.
Talenti 20-vjeçar në një intervistë për “Blue Sport” ka thënë se ëndrra e tij është të ketë një karrierë si të Granit Xhakës.
“Do të ishte një ëndërr e imja të kisha një karrierë si Granit Xhaka. Të gjithë lojtarët e rinj në FCB shikojnë lojtarë si Graniti. Por kjo është ende shumë larg. Ndryshimi përsëri është jashtë diskutimit. Dua të qëndroj në Basel për një kohë të gjatë dhe patjetër të tregoj veten këtu.”, tha Avdullahu
