Forcat ruse pretendojnë se kanë vrarë një numër të madh të ushtarëve rusë në një sulm të vetëm ajro së fundmi.
“Zëvendës shefi i Shtabit të Përgjithshëm të Forcave të Armatosura Ruse i ka thënë ministrit rus të Mbrojtjes, Sergei Shoigu, gjatë një takimi, se deri në 300 ushtarë u vranë si rezultat i një sulmi të saktë nga një municion ajror”, thuhet në një deklaratë të shtunën nga Ministria e Mbrojtjes e Rusisë, raportoi CNN.
Gjeneralkoloneli, Alexei Kim, nuk ka treguar se ku ka ndodhur sulmi, por e përshkroi vendndodhjen e sulmit si “pika e vendosjes së formacionit nacionalist “Kraken”, sipas ministrisë, duke iu referuar një njësie speciale të Inteligjencës së Mbrojtjes së Ukrainës.
Detajet u shfaqën gjatë një takimi në selinë e Grupit të Përbashkët të Forcave, ku Shoigu dëgjoi raporte nga komandantët mbi situatën aktuale në “zonën e operacionit special ushtarak”, ka deklaruar ministria.
Kim i ka thënë Shoigut gjatë takimit se Ukraina “po pëson humbje të konsiderueshme si në pajisje ashtu edhe në fuqi punëtore si rezultat i përdorimit të armëve me precizion të lartë dhe dronëve sulmues.
