Ministri i Bujqësisë, Faton Peci sot ka vizituar objektin ku është e vendosur Partia Aleanca për Ardhmërinë e Kosovës (AAK) në Lagjen Ulpiana në Prishtinë, prona të cilat i përkasin Ministrisë së Bujqësisë.
Ministri Peci përmes faqes së tij në facebook ka shpërndarë disa fotografi nga brendësia e objektit duke thënë se Ministria e Bujqësisë ka rikthyer 600 metra katrorë në shërbim të dikasterit që ai udhëheqë.
Peci ka thënë se së shpejti ky objekt do t’i nënshtrohet renovimit dhe se është optimist se instancat e sistemit të drejtësisë do të marrin një vendim meritor që objekti i Ministrisë dhe hapësirat përreth tij do të jenë në shërbim të titullarit.
