Ambasadori Jorn Rohde ka njoftuar se të hënën kanë arritur në Kosovë “pionerët e ushtrisë gjermane” të cilët do ta përgatisin terrenin për kontingjentin e ri të ushtarëve gjermanë që pritet të vijnë gjatë muajit prill.
Gjermania ka njoftuar se nga prilli do ta rrisë prezencën e ushtarëve në misionin e KFOR-it në Kosovë. Vendimi u mor pas tensioneve në komunat veriore në maj të vitit të kaluar.
Dje kanë arritur ata që Rohde i ka quajtur “pionerët e Bundeswehrit”.
“Gjermania vazhdon të marrë përgjegjësinë brenda KFOR-it në Kosovë. Si hap i parë drejt pranisë më të madhe ushtarake në terren, pionerët nga Bundeswehri mbërritën dje në Kosovë për të përgatitur terrenin për kontingjentin gjerman të KFOR-it që do të jetë në rritje”, ka shkruar Rohde në “X”.
Me ardhjen e trupave të ri, Gjermania pritet të ketë rreth 200 ushtarë në Kosovë.
Germany🇩🇪 continues to assume responsibility within @NATO_KFOR in Kosovo🇽🇰.
— Ambassador Jörn Rohde (@GermanAmbKOS) March 12, 2024
As a first step towards more military presence on the ground, pioneers from @bundeswehrInfo arrived in Kosovo🇽🇰 yesterday to prepare the ground for the – again – growing German🇩🇪 KFOR contingent.
🇩🇪🤝🇽🇰 pic.twitter.com/xEnhPMB4nl
