Policia e Kosovës e ka arrestuar të dielën një person për vjedhjen në shtëpinë e zyrtarit të AKI-së, në Prizren. Arrestimin e ka konfirumar zëdhënësi i Policisë në rajonin e Prizrenit, Shaqir Bytyçi, sipas të cilit i dyshuari e ka pranuar fajësinë.
“Pas disa veprimeve operative-hetimore hetuesit e Sektorit Rajonal të Hetimeve të Drejtorisë Rajonale të Prizrenit kanë arrit që të identifikojnë dhe arrestojnë të dyshuarin, për të cilin dyshohet se dje ka hyrë në shtëpinë e një zyrtari në Prizren, dhe ka vjedhur armën zyrtare dhe disa dokumente personale”, tha ai.
Pas intervistimit me vendim të prokurorit është ndaluar për 48 orë.
“I dyshuari është intervistuar dhe ka pranuar veprën. Disa nga gjësendet e vjedhura janë gjet ndërsa arma ende është duke u kërkuar nga hetuesit”, deklaroi Bytyçi.
