Trupat amerikane që janë pjesë e KFOR-it kanë kryer një trajnim me zjarr përpara vendosjes në Kosovë.
Misioni amerikan në NATO ka treguar se trajnimi quhet “fobia e zjarrit”.
“Nuk është çudi. Është organizuar për aleatët dhe partnerët e NATO-s përpara vendosjes së tyre në Kosovë”, thuhet në njoftimin e tyre në rrjetin social “X”.
Tutje bëhet e ditur se misioni paqeruajtës i NATO-s në Kosovë (KFOR) po ndihmon në ruajtjen e një mjedisi të qetë dhe të sigurt për të gjithë njerëzit dhe komunitetet në Kosovë, në përputhje me mandatin e Kombeve të Bashkuara.
It’s called "fire phobia" training. No wonder why.
— U.S. Mission to NATO (@USNATO) February 22, 2024
It’s organized for NATO Allies and partners ahead of their deployment to Kosovo. NATO’s peacekeeping mission in Kosovo (KFOR) is helping to maintain a safe and secure environment for all people and communities in Kosovo, in line… pic.twitter.com/83gO6Ir2iQ
Mbi 4 mijë trupa nga 28 vende të botës shërbejnë aktualisht në Kosovë, në kuadër të misionit paqeruajtës të Organizatës së Traktatit të Atlantikut Verior (NATO), KFOR. Më shumë se gjysma e forcave janë nga Italia, Shtetet e Bashkuara të Amerikës, Hungaria dhe Turqia. NATO-ja e ka shtuar praninë e saj në Kosovë gjatë vitit 2023, pas rritjes së tensioneve në veriun e banuar me shumicë serbe.
