Anëtarët e Bordit të Komisionit të Pavarur të Mediave (KPM) sapo kanë vazhduar për herë të tretë raportimin para deputetëve lidhur me vendimin e tyre që lejuan të transmetohen në Kosovë kanalet e “Arena-s” të Serbisë, kanale këto që shfaqën mbështetje për terroristët që kryen sulmin në Banjske dhe vrarë policin e Kosovës, Afrim Bunjaku.
Të pranishëm në këtë komision janë shumica e deputetë të pozitës dhe opozitës.
Por me të filluar mbledhja pati vërejtje se KPM ka sjellë në Komisionin Parlamentar, dokumente që janë të hijëzuara dhe të pa përkthyera në gjuhën shqipe.
Këtë vërejtje e dha deputeti nga radhët e LDK-së, Agim Veliu, i cili tha se ka qenë dashur që paraprakisht dokumentacionet të jenë sipas ligjit të përthyera në gjuhën shqipe, pra gjuhën zyrtare.
Lidhur me këtë një vërejtje pati edhe deputeti nga radhët e VV-së, Salih Zyba, i cili theksoi se përveç që dokumentet janë të pa përkthyera, në to ka pjesë që janë të hijëzuara dhe që disa nuk kuptohen fare.
Për këtë shkak, raportimi i anëtarëve të KPM-së lidhur me vendimin e tyre që lejon transmetimin e kanaleve serbe është shtyrë për më vonë, deri të kryhen përkthimi.
Ndërkaq tani pjesë e diskutimit është pika për dënimin e katër kabllorëve që kishin bërë shkelje, ku Komisioni i Pavarur i Mediave i kishte dënuar me 100 mijë euro. Kabllorët u dënuan për shkak se detyruan qytetarët me kontrata të paligjshme, duke u pamundësuar që të shkëpusin kontratat, pavarësisht se vetë kanë ndryshuar përmbajtjen e programeve.
