Presidentja Vjosa Osmani dhe kryeministri Albin Kurti kanë marr pjesë në ceremoninë e hapjes së “Carvago by Gjirafa”, që do të lidhë kosovarët me tregun e madh online në Evropë për blerje dhe shitje makinash.
Presidentja e vendit, Vjosa Osmani, e cila mori pjesë në një promovim të një produkti inovativ të kompanisë Gjirafa, tha se është kënaqësi të promovosh produkt inovativ që, njëherësh, është edhe shenjë identifikuese e shtetësisë sonë.
“Vërtetë kënaqësi për të promovuar një produkt inovativ të kompanisë Gjirafa, që shënon shenjë identifikuese e shtetit tonë. Çdo ditë e më shumë po bëhet imazhi ynë. Gjirafa është një ndër rrëfimet e suksesit që nuk është më vetëm e jona, kjo tregon që Kosova mund të tregojë më shumë se kaq”, tha e para e vendit.
Osmani më tej tha se inovacioni ka një rol përmbajtësor për zhvillimin e ekonomisë së vendit, duke shtuar se tregu ynë do t’i sjellë fitim jo vetëm shtetit tonë, por do të ndikojë direkt në jetën e qytetarëve tanë.
“Kosova është e interesuar të lidhet sa më shumë me tregun evropian dhe Carvago është një mundësi e tillë. Është kënaqësi që sot bashkëpunimi me Çekinë e thellon partneritetin tonë, me një shtet që ka qëndruar gjithmonë pranë Kosovës, që ka qenë jo vetëm katalizator ekonomik, po edhe katalizator që të rinjtë tanë të ecin lirshëm drejt Evropës”, tha mes tjerash në fjalën e saj, presidentja Osmani.
Kurti: Ekonomia ka nevojë për autostrada dixhitale
Gjithashtu edhe kryeministri Albin Kurti tha se është kënaqësi të shënohet edhe një arritje tjetër e suksesshme në sektorin e teknologjisë, në një partneritet mes kompanisë dixhitale Gjirafa dhe Carvago nga Republika Çeke.
“Qeveria jonë është e përkushtuar ta çlirojë këtë potencial, duke krijuar një mjedis të favorshëm. Gjatë këtyre tre vjetëve kemi bërë hapa të rëndësishëm në rrugëtimin tonë duke ngritur në 11 vende në indeksin, përkundër korrupsionit edhe 22 vende në lirinë e medias”, tha kryeministri Kurti.
Ai më tej shtoi se ekonomia dixhitale ka nevojë për autostrada dixhitale, ndërkohë që shtoi se universiteti dhe sektori privat po i ofrojnë programet e tyre dhe qeveria është duke kontribuar trajnimin 3500 të fushave të ndryshme të teknologjisë.
Kurti, tutje ka përgëzuar për arritjet e Gjirafës dhe uroi që kjo të jetë frymëzim për të gjithë.
