Shefi i politikës së jashtme të Bashkimit Evropian, Josep Borrell, ka folur në Bruksel, ku po takohen liderët e BE-së, raportoi BBC-ja.
Ai ka thënë se blloku duhet t’i dërgojë një mesazh mbështetjeje opozitës ruse pas vdekjes së rivalit më të madh të presidentit Vladimir Putin, Alexei Navalny.
Anëtarët pritet të diskutojnë sanksionet e reja kundër Moskës në takimin e së hënës, duke planifikuar t’i vendosin ato deri në dy vjetorin e luftës në Ukrainë.
Borrelli propozoi gjithashtu që BE-ja të riemërtojë regjimin e saj të sanksioneve për të drejtat e njeriut, i cili synon individët dhe entitetet përgjegjëse për shkelje të rënda të të drejtave të njeriut, në emrin e të ndjerit Navalny.
