Deputeti i VV-së, Besim Muzaqi ka deklaruar se duhet menjëherë të kërkohet shkarkimi i Jeton Mehmetit nga pozita e kryetarit të KPM-së.
Ai ka thënë se vendimi për pezullimin e vendimit për kanalet e “Arena-s” është marrë pasi Kryetari i Bordit të KPM-së ka takuar “Devollët”.
“Më 14 nëntor, ora 10 jeni takuar me Devollët. Rrjedhimi i kësaj kemi një kontrabandim të pikës së rendit të ditës, ku ti (u.d i Kryeshefit të KPM) e propozon, kryetari i vendos në lajthitje edhe anëtarët tjerë të Bordit dhe futet dhe merret vendimi për shfuqizimin e vendimit”, ka thënë ai.
“Për mua është veçse se një shitje e ulët që e keni bërë, për cka unë tash mendoj që kryetarin e Bordit duhet gjithsesi me kërku me shkakru”, ka thënë ai.
Muzaqi ka thënë se Mehmeti nuk po tregon se ka takuar përfaqësuesit e “ArtMotion”.
Ka kërkuar nga Prokuroria të hetohet kjo çështje.
“Këtu çështja ndërlidhet me një vendim skandaloz tuajin që ka të bëjë me atë medium. Shkarkimi ju nderon juve. Kam pritur që keni me dhanë dorëheqje”, ka thënë Muzaqi.
Kryetari i KPM-së, Jeton Mehmeti, ka thënë se ka takuar me njerëzit që i licencohen përfshirë “Klan Kosovën” dhe media të tjera.
