Ministrja e Drejtësisë, Albulena Haxhiun e ka kujtuar sot dëshmoren e Kosovës, Elfete Humollin, e cila ra në altarin e lirisë më 1 shkurt 1990, në Lupç të Poshtëm, pranë shtëpisë së saj.
Haxhiu tha se Elfete Humolli ishte mishërimi i të rinjve e të rejave të viteve ‘90 që ishin rritur me ëndrrën për lirinë e atdheut.
“Mungesa e lirisë dhe represioni serb i kishte bërë që të rriten para kohe. Prandaj, protestat e demonstratat e kësaj periudhe ishin përplot me nxënës të shkollave të mesme. Vetë Elfetja ishte nxënëse e shkollës së mesme të ekonomisë.
Ishte vetëm 16 vjet kur u vra në fshatin e saj të lindjes, nga forcat agresore serbe. Ajo ishte pjesëmarrëse në shumë demonstrata e protesta për të shprehur vullnetin e saj për lirinë e Kosovës dhe kundër Serbisë pushtuese, por në protestën e 30 shkurtit 1990 u qëllua me automatik nga forcat ushtarake policore të Serbisë”, ka shkruar Haxhiu.
Ajo shtoi se vdekja e Elfetes, ngjalli revoltë të madhe dhe mobilizim të madh për popullin, e në shenjë respekti për të, për dashurinë dhe guximin e saj, varrimi i saj ishte masiv dhe u shndërrua në demonstratë.
“Lavdi jetës dhe veprës së dëshmores Elfete Humolli”.
