Një shtetas i Shqipërisë është arrestuar në pikëkalimin kufitar në Vërmicë pasi tentoi t’u jepte ryshfet zyrtarëve policorë.
Policia ka thënë se ai kërkohej nga autoritetet shqiptare.
I dyshuari tentoi që me 10 euro ta kalonte kufirin pa e ndalur.
“Është arrestuar i dyshuari shtetas i Shqipërisë, pasi i njëjti ka rezultuar i kerkuar nga autoritetet Shqiptare. Në një moment derisa zyrtari policor ka qenë duke i përfunduar procedurat e dorzimit të dyshuarit tek autoritetet shqiptare, i njëjti ka ofruar një shumë prej 10 € në këmbim të mundësisë për të kaluar kufirin pa u dorzuar te autoritetet shqiptare”, thuhet në raportin e PK-së.
Me vendim të prokurorit i dyshuari është liruar dhe rasti vazhdon në procedurë të rregullt.
