Janë mësuar çiftet çerekfinale në Kupën e Mbretit.
Skuadra më e trofeshme në këtë garë, Barcelona, do të përballet me Athletic Bilbaon. Kjo vlerësohet edhe si ndeshja kryesore e kësaj faze.
Përballje interesante pritet të jetë edhe ajo mes Atletico Madridit dhe Sevillas. Atletico eliminoi kampionin në fuqi, Real Madridin, të enjten mbrëma.
Mallorca e Vedat Muriqit nuk do të ketë punë aspak të lehtë pasi do të takohet me Gironan.
Celta Vigo – Real Sociedad është çifti tjetër i fazës çerekfinale.
Ndeshjet e kësaj faze do të zhvillohen më 23, 24 dhe 25 janar.
