Amir Rrahmani e ka shënuar golin vendimtar për Napolin, që të shtunën fitoi pas dy humbjeve e një barazimi në Serie A.
Rrahmani shënoi gol në fundin e ndeshjes për fitoren 2:1 të Napolit ndaj Salernitanas, në ndeshjen e xhiros së 20-të të elitës së futbollit të Italisë.
Për qendërmbrojtësin 29-vjeçar të Kosovës ishte goli i parë i edicionit aktual.
Antonio Candreva shënoi për mysafirët në minutën e 29-të, kurse Matteo Politano i barazoi shifrat nga penalltia në mintuën e katërt të shtesës në pjesën e parë.
Por Rrahmani me golin e minutës së 96-të i siguroi kampionit në fuqi të Italisë fitore shumë të rëndësishme.
Napoli tani ka 31 pikë, por ka mbetur shumë prapa kreut të tabelës.
Salernitana në pozitën e fundit ka 12 pikë.
— follow @Sajdlik667 for all goals (@sajgoals36363) January 13, 2024
