Presidenti i Shqipërisë, Bajram Begaj, ka uruar Kosovën për liberalizimin e vizave.
Ai në një status në Facebook ka shkruar se kjo është një arritje e merituar, por e vonuar.
“Urime qytetarëve të Kosovës, të cilët nga sot udhëtojnë pa viza në Evropë! Kjo është një arritje e merituar, por e vonuar. Shpresoj që ky hap të përshpejtojë të gjithë procesin e anëtarësimit të Kosovës në BE dhe organizatat e tjera ndërkombëtare”, ka shkruar ai.
