Në një parking në fshatin Ropotovë të Ranillugut të martën në mbrëmje një veturë është përfshirë nga flakët, përveç dëmeve materiale nuk raportohet për të lënduar.
Lajmin e ka bërë të ditur zëdhënësi i policisë për rajonin e Gjilanit, Ismet Hashani, i cili tha se po punohet për zbulimin e rastit.
“Me datën 26.12.2023 rreth orës 19:20 kemi pranuar informacion se në një parking në fshatin Ropotovë e madhe një veturë me targa vendore pronë e R.J. mashkull kosovar ishte përfshirë nga zjarri. Njësitet policore relevante kanë dalë në vendin e ngjarjes, po ashtu edhe njësiti i zjarrëfikësve. Zjarri është lokalizuar nga i cili përpos dëmeve materiale në veturë lëndime trupore nuk ka pësuar askush”, tha Hashani.
Ai shtoi se hetues policor në koordinim me Prokurorin e Shtetit aktualisht janë duke punuar për ndriçimin dhe sqarimin e të gjitha rrethanave që kanë të bëjnë me këtë rast.
