Policia e Kosovës ka njoftuar se ka arrestuar një të dyshuar për aksidentin me fatalitet që ndodhi të martën në fshatin Llapashticë të Podujevës.
Në këtë aksident ka humbur jetën një person dhe një tjetër ka pësuar lëndime të rënda dhe është duke u trajtuar në Qendrën Klinike, Universitare të Kosovës (QKUK).
“Fsh. Llapashticë- Podujevë 19.12.2023 – 20:00. Raportohet për një aksident trafiku në mes dy automjeteve me ngasë meshkuj kosovarë. Përveç dëmeve materiale, lëndim vdekje-prurës ka pësuar viktima mashkull kosovar (njëri nga drejtuesit), ndërsa lëndime trupore të rënda ka pasur një pasagjer mashkull kosovar i cili është dërguar në QKUK. Me vendim të prokurorit trupi i pajetë i viktimës është dërguar në Institutin e Mjekësisë Ligjore për obduksion ndërsa ngasësi tjetër i dyshuari është arrestuar dhe dërguar në mbajtje”, thuhet në raportin e Policisë.
