Një grua në Mitrovicë të Veriut ka raportuar në Polici se është ngacmuar nga një person i panjohur.
Sipas njoftimit, rasti ka ndodhur në sheshin e qytetit në rrugën “Kral Petri”, e për rastin është njoftuar edhe prokurori për të iniciuar procedurë hetimore.
Rasti është iniciuar si “ngacmim”.
“Viktima femër kosovare ka raportuar se derisa ka qenë në shesh është ngacmuar nga një i dyshuar mashkull i panjohur. Është njoftuar prokurori, rasti në procedurë hetimore”, thuhet në njoftimin policor.
