Deputeti Lulzim Basha deklaroi në seancën e sotme të Kuvendit se ky parlament duhet të të dënojë gjenocidin serb në Kosovë.
“Ky parlament, nuk duhet të ketë asnjë ngurrim për të votuar gjenocidin serb në Kosovë dhe të folur qartë. Ky parlament duhet të dënojnë gjenocidin serb. Në këtë mënyrë jemi në krah të mbështetjes së Kosovës. Askush nuk mund të barazojë viktimën me agresorin”, u shpreh deputeti.
Basha nënvizoi se raporti i Dick Marty është ‘fake’ dhe sot është e qartë se pas tij fshihen strukturat serbe, shkruan euronews. Përcjellë KosovaNews.
“Sot është një ditë e rëndësishme për këtë institucion, i cili duhet të dëshmojë edhe njëherë se Shqipëria nuk mund të ketë interes më të shenjtë, interes më të lartë se interesat e Kosovës, se nuk mund të ketë bashkëpunim të qëndrueshëm rajonal, një të ardhme në paqe të popujve tanë, pa pranuar dhe dënuar gjenocidin serb.
Ndër vite ka pasur përpjekje të vazhdueshme për të manipuluar faktet, për t’i ikur të vërtetave siç ka ndodhur edhe në raportin e Dick Martit”, tha Basha.
