Kryeministri i Kosovës, Albin Kurti ka rënë pre edhe i një kërcënimi me jetë.
Kësaj radhe thirrja për vrasjen e Kurtit është bërë përmes rrjetin social Facebook, nga një person që prezantohet me emrin Mehmet Kershi.
Personi në fjalë ka shpërndarë në faqen e tij një video nga përleshja që sivjet ndodhi mes deputetëve në seancën e Kuvendit, ndërsa bën thirrje për vrasjen e Kurtit dhe përdorë gjuhë fyese duke e kthyer emrin e kreut në Qeverisë në serbisht.
“O vranë bre Albinoviqin, se krejtve ka me ju qit në kurth me Radoiçiqin”, ka shkruar Kershi.
Ky person te prezantimi në rrjetin social ka shkruar se është nga Gjakova, por nuk ka detaje tjera shtesë lidhur me biografinë e tij.
Kujtojmë se kohën e fundit është rikthyer në publik diskursi për vrasjet e politikanëve dhe kërcënimet me vrasje ndaj krerëve të shtetit.
Po sivjet Policia e Kosovës arrestoi një person me emrin Nuredin Selmani, e që në publik paraqitej si këngëtar popullor dhe njihej si Nuredin Gashi – Drenica.
Ky person u prangos pasinë në një paraqitje televizive përdori gjuhë të urrejtjes dhe përkrahje për deklaratën e Faton Klinakut, ku përmendej vrasja e kryeministrit Albin Kurti.
Me një vendim të Gjykatës Themelore të Prishtinës, Nuredin Selmani ka qenë dërguar në paraburgim pasi dyshohej se ka kryer veprën penale “Dhuna ndaj përfaqësuesve së lartë të Republikës së Kosovës”.
