Seanca e parë gjyqësore ndaj të dyshuarve për vrasjen e Liridona Ademajt tashmë ndodhen në sallën e Gjykatës, porse nuk u është ofruar qasje mediave që të transmetojnë.
Të dyshuarit siç ka mësuar KosovaNews janë sjellë në gjykatë nga hyrjet ku nuk kanë qenë prezente mediat.
Ndërkaq para fillimit të kësaj seance, Kolektivi për Mendim dhe Veprim Feminist bashkë me aktivistë feministë të pavarur, kanë organizuar një aksion simbolik.
“Nuk ka paqe pa sigurinë e grave”, thuhet në pankartën që këta aktivistë mbanin në duar gjatë këtij aksioni.
Liridona Ademaj, u vra mbrëmjen e 29 nëntorit.
I dyshuari kryesor për organizimin e këtij krimi makabër është burri i saj, Naim Murseli, i cili edhe e ka pranuar veprën.
Thuhet se ai i ka paguar 30 mijë euro për vrasjen e saj.
