Ka nisur ceremonia e ngritje së flamurit në Vlorë, me rastin e 111 vjetorit të Pavarësisë së Shqipërisë.
Kështu në qytetin e Vlorës, në “Sheshin e Flamurit” është mbajtur ceremonia e zyrtare për Ditën e Pavarësisë.
Njëri pas tjetrit, siç e parashikon protokolli, krerët më të lartë të shtetit shqiptar kanë vendosur kurorën e luleve dhe më pas janë përkulur përpara monumentit të pavarësisë.
I pranishëm është edhe kryeministri i Kosovës, Albin Kurti.
Shqipëria shënon sot 111 vjetorin e Pavarësisë, një nga ngjarjet më të rëndësishme të kombit që përkujtohet çdo vit me krenari e patriotizëm nga të gjithë shqiptarët kudo që ndodhen.
Më 28 nëntor të vitit 1912, Ismail Qemali ngriti flamurin në Vlorë duke e shpallur Shqipërinë shtet sovran dhe të pavarur.
Me rastin e kësaj dite të shënuar autoritetet lokale dhe ato qëndrore kanë organizuar evente të shumta që do të mbahen në disa qytete të vendit.
