Sipas Bankës Qendrore të Kosovës, asetet e bankave komerciale në muajin tetor 2023 kanë shënuar rritje për 11.7 milionë euro e që është 0.16% më e lartë krahasuar me muajin paraprak duke arritur vlerën 7.17 miliardë euro.
Sipas Bankës Qendrore të Kosovës, asetet e bankave komerciale në muajin tetor 2023 kanë shënuar rritje për 11.7 milionë euro e që është 0.16% më e lartë krahasuar me muajin paraprak duke arritur vlerën 7.17 miliardë euro.
“Investimet e bankave komerciale jashtë vendi (në formë të depozitave, letrave me vlerë dhe plasmanëve tjerë) kanë shënuar rënie prej rreth 6.8 milionë euro që janë për rreth 0.6% më të ulëta krahasuar me muajin paraprak duke arritur vlerën 1,12 miliardë euro. Kreditë bruto në fund të muajit tetor 2023 kanë shënuar rritje për 42.47 e që është për 1% më e lartë krahasuar me muajin paraprak duke arritur vlerën 4.83 miliardë euro”, thuhet në raportin e BQK-së.
Sipas statistikave të sektorit bankar, vlera e kredive të reja në muajin tetor ishte 160.6 milionë euro. Depozitat e klientëve në tetor 2023 kanë shënuar rritje për rreth 22.51 milionë euro, që është 0.4% më e lartë krahasuar me muajin paraprak, duke arritur vlerën 5.87 miliardë euro. Rreth 26% e depozitave janë të afatizuara. Ekonomitë familjare dominojnë me rreth 66.5% të totalit të depozitave (apo rreth 3.90 miliardë euro).
Sipas raportit, vlera e depozitave të reja në muajin tetor ishte 61.3 milionë euro. Raporti kredi-depozita në muajin tetor ishte në nivelin 82.3%.
“Gjithsej kapitali i bankave komerciale në fund të muajit tetor 2023 ishte 838.3 milionë euro. Ndërsa provizionet për kredi u zvogëluan për 0.3 milionë euro apo 2.8% krahasuar me muajin paraprak duke arritur vlerën 10.40 milionë euro.
Norma mesatare e interesit në depozita në muajin tetor është 2.37% ( në shtator ka qenë 2.43%).
Norma e interesit në kredi në muajin tetor është 6.39% ( në shtator ka qenë 6.51%).”, thuhet në këtë njoftim të BQK-së.
Margjina e normës së interesit në kredi dhe depozita në muajin tetor është 4.01% , kurse në shtator ishte 4.08%.
