Policia e Kosovës ka konfirmuar se për rastin në tregun e kafshëve në Prizren janë dy të dyshuar dhe jo tre. Prej tyre, sipas Policisë, njëri është i ndaluar dhe tjetri në kërkim.
Personi i ndaluar është R.M., i lindur në vitin 1982, nga Gjilani. Ai është shoqëruar në Polici, ku gjendet nën masën e ndalimit prej 48 orëve.
“Operacioni policor është duke vazhduar në kërkim të personit të dytë të dyshuari, ku janë realizuar bastisje ne shtëpinë e tij”, thuhet në njoftimin e Policisë.
Policia ka sqaruar se gjithçka ka ndodhur pas një mosmarrëveshje të çastit mes tregtarëve të kafshëve. Fillimisht, viktimat dhe të dyshuarit janë rrahur mes vete dhe më pas të dyshuarit kanë hedhur mjetin shpërthye, i cili u raportua se ishte granatë dore, por autoritetet kanë thënë se për momentin është “lloj i panjohur”.
10 persona pësuan lëndime, pesë prej tyre u dërguan në QKUK, ndërsa pesë të tjerë u liruan për në shtëpi nga Spitali i Prizrenit. Aktualisht, dy prej të lënduarve po marrin trajtim në QKUK.
Komunikata e plotë dhe pa ndërhyrje e Policisë:
Shkaktim i rrezikut te përgjithshëm-shtese
Prizren, 22 nëntor 2023
Sot, me date 22.11.2023, rreth orës 04:50, policia ka pranuar informate për një rast te “Shkaktimit i rrezikut të përgjithshëm”, ku si pasojë ishin lënduar disa persona nja një mjet shpërthyes (lloji i panjohur për momentin), te tregu i kafshëve ne Prizren.
Nga informatat e para është mësuar dhe dyshohet se 10 persona kane pësuar lëndime. Te gjithë te lënduarit fillimisht janë dërguar ne emergjencën e Spitalit Rajonal te Prizrenit duke ju ofruar trajtim mjekësor, ku pesë (5) prej tyre pas trajtimit lirohen për në shtëpi ndërsa pesë (5) tjerë transportohen për trajtim te mëtejmë ne QKUK.
Policia menjëherë sapo ka pranuar informacionin ka dalë në vendngjarje dhe është informuar prokurori kujdestar njëkohësisht.
Ne vendin e ngjarjes kane dalë edhe njësiti i hetimeve rajonale te Prizrenit të cilët kanë administruar me prova dhe kanë mbledhur dëshmitë.
Fillimisht janë dhënë informacione për tre persona të dyshuar që më vonë me zhvillimin e hetimeve policia ka gjetur se dy persona kanë qenë si kryes të veprës penale, të cilët janë identifikuar dhe policia ka filluar kërkimin për ndalimin e tyre, pasi pas një mosmarrëveshjeje te çastit ndërmjet tregtareve te kafshëve fillimisht ka filluar një rrahje ndërmjet viktimave dhe të dyshuarve ku në një moment të dyshuarit aktivizojnë dhe hedhin një mjet shpërthyes (lloji i panjohur për momentin).
Gjatë zhvillimit të operacionit për gjetjen dhe ndalimin e tyre ju njoftojmë se Policia e Kosovës gjatë operacionit policor për këtë, përveç në vendin e ngjarjes ka kryer kontrolle edhe ne komunën e Gjilanit, ku është lokalizuar i dyshuari R.M, i lindur në vitin 1982, i cili është shoqëruar ne polici për procedura të mëtejme hetimore dhe, me vendim te prokurorit të Shtetit ndalohet në afat prej 48-ore, ndërsa operacioni policor është duke vazhduar në kërkim të personit të dytë të dyshuari, ku janë realizuar bastisje në shtëpinë e tij.
Policia rajonale në Prizren së bashku me prokurorinë e Shtetit është duke punuar që të sqarohet në tërësi rasti i ndodhur te tregu i kafshëve në Prizren, ndërsa për të gjitha të gjeturat do të ju mbaj të informuar.
