Pesë nga të lënduarit në tregun e kafshëve në Prizren janë dërguar në Qendrën Klinike Universitare të Kosovës, pas hedhjes së një granate dore në orët e para të së mërkurës.
Shefi i Emergjencës në Prizren, Hekuran Veçgishti, ka konfirmuar për KOHËN se katër të tjerët janë liruar për në shtëpi.
“Fillimisht, kanë ardhur nëntë persona. Më pas, ka ardhur edhe një. Katër prej tyre janë liruar, pesë janë dërguar në QKUK pasi kanë pas lëndime që s’trajtohen në Spitalin tonë”, ka thënë Veçgishti.
Drejtori i Emergjencës në QKUK, Naser Syla, ka thënë se të plagosurit nga granata e dorës në tregun e kafshëve në Prizren janë jashtë rrezikut për jetë e se kanë marrë lëndime të lehta në trup. Ai ka thënë se dy pacientë po trajtohen në QKUK.
