Prokuroria Speciale e Kosovës ka thënë se ka kontrolluar 11 lokacione me qëllim “të mbledhjes së provave dhe ndalimit të nëntë zyrtarëve të dyshuar për veprat penale ‘Keqpërdorim i pozitës apo autoritetit zyrtar’ dhe ’Marrja e ryshfetit’”.
Dyshimet janë bazuar në një hetim të gjatë të udhëhequr nga Prokuroria Speciale, pasi që nën hetime ka qenë i përfshirë edhe një zyrtar policor. Tetë doganierë e polici janë arrestuar.
“Gjatë këtij aksioni janë grumbulluar prova që mbështesin dyshimin se këta nëntë zyrtarë, tetë nga të cilët janë zyrtar të Doganës dhe një zyrtar policor nga Policia kufitare, kanë qenë të përfshirë në veprat për të cilat dyshohen”, thuhet në njoftim.
Po ashtu, nga ky aksion janë sekuestruar sende tjera të rëndësishme për procedurë të mëtutjeshme hetimore:
Njëzet plumba zyrtare të Doganës së Kosovës; Dhjetë telefon së bashku me katër sim kartela; Një pistoletë e kalibrit 9 mm me tre karikator dhe 9 fishek, me leje; 16 copë municion jo zyrtar.
