Një person është arrestuar këtë të enjte pasi dyshohet për vjedhje të rëndë, të kryer në një xhami në rrugën “Brigada 123” në Suharekë.
Siç njofton policia, ankuesi i rastit ka raportuar se persona të panjohur, gjatë natës, kanë thyer tre xhama të dritareve dhe dy xhama të derës së hyrjes së xhamisë.
Të njëjtit dyshohej se kanë depërtuar brenda xhamisë dhe nga aty kanë vjedhur një shumë të parave të gatshme, rreth 500 euro.
“Policia i është përgjigjur rastit, hetuesit policor të Stacionit Policor të Suharekës, pas një pune operativo hetimore kanë arritur që të identifikojnë, të lokalizojnë dhe të arrestojnë një person të dyshuar për këtë rast”, thuhet në komunikatën për media.
Te i dyshuari (A. T. 31-vjeçar nga Shiroka e Suharekës) janë gjetur edhe dëshmitë, paratë e vjedhur në xhami.
“Mjetet (parat ) e gjetura janë sekuestruar, ndërsa i dyshimti me urdhër të prokurorit kujdestar dërgohet në mbajtje për 48 orë”, bëhet e ditur tutje.
Ndërkohe, kundër të dyshuarit do të ngritët kallëzim penal për veprën penale “Vjedhje e rëndë”, i cili do të përcillet në Prokurorinë Themelore.
