Deputeti nga radhët e Partisë Demokratike të Kosovës, Mërgim Lushtaku, ka thënë se grupi parlamentar i PDK-së nuk do të votojë pro projektbuxhetit të vitit 2024.
Gjatë fjalimit të tij në seancën e Kuvendit ku po diskutohet për buxhetin e vitit 2024, Lushtaku ka thënë se ky buxhet nuk sjellë asnjë alternativë zhvillimore për vendin.
“Grupi Parlamentar i PDK-së nuk do ta përkrahë projektbuxhetin e vitit 2024. Jemi kundër këtij buxheti që nuk sjell asnjë alternativë zhvillimore dhe nuk është buxhet i mirëqenies së qytetarëve”, tha ai.
Sipas tij, pas shqyrtimit të projektbuxhetit, i njëjti nuk paraqet kërkesat dhe pritshmëritë e qytetarëve, të biznese.
Dhe si i tillë “duket më i madh në shifër por në një situatë krize… i lë më të varfër qytetarët e Kosovës”.
“Mirëpo sot para se të flas për buxhetin, i keni planifikuar 10 milionë euro shpenzime prej të cilave nuk rrjedh asnjë projekt i rëndësishëm, madhor që mund te krenoheni. Në fushatë kryeministri ka premtuar se do te forcojë ekonominë e vendit… të gjitha manipulimet është vështirë me ia mbajt mend”.
Ai e kosnideron humbje kohe për Kosovën, e cila sipas tij ndikon në financa, ekonominë e vendit e diplomaci.
“Është humbje kohe që të flitet për manipulimet e këtyre njerëzve por humbje më e madhe po i shkaktohet vetë Kosovës me financa ekonomi e diplomaci, në kulturë e çka jo., Këta besimin e qytetarëve e kanë marrë si privilegj, dhe mendojnë se do qëndrojnë gjithmonë aty, vetëbesimin e kanë të lartë e dijen të ulët. Fatmirësisht po iu del në pah fytyra e vërtetë. Janë të turpshme deklaratat e juaja se Policia e Kosovës ka paga mbi dy mijë euro, nëse veç e dini se çka është paga. Ku jemi sot, ku është qytetari i Kosovës, a është më mirë apo më vështirë të jetohet sot, përgjigja veçse dihet”, shtoi ai.
