“Nuk është hera ime e parë këtu, për të gjithë gazetarët e tjerë është hera e parë në Kosovë. Hera e parë ishte në vitin 2011, atëherë kur studioja në Vjenë, studime juglindore dhe atje mësova shqip. Ende nuk di të flas mirë. U interesova për situatën këtu, situatën e keqe, sepse mbaj mend që në mediat ukrainase, e përshkruanin krejtësisht ndryshe, dhe unë isha shumë kureshtare për këtë”, ka thënë ajo.
Meshcheriakova ka treguar edhe arsyen e ardhjes në Kosovë.
“Pse ne e dinim historinë ndryshe? Dhe erdha këtu, fola me shumë njerëz këtu dhe kuptova se edhe unë isha viktimë e propagandës ruse, si të thuash, propagandës serbe”, ka thënë gazetarja ukrainase.
Pas agresionit rus në Ukrainë, Qeveria e Kosovës, mundësoi strehimin e një numri gazetarësh ukrainas në Kosovë. Lyudmila Makey, Daria Meshcheriakova, Lyudmila Mekh dhe Serhi Shevchenko tani banojnë në Prishtinë.
