Kryeministri i Kosovës, Albin Kurti, ka pritur të martën në takim guvernatorin e Bankës Qendrore të Kosovës, Ahmet Ismailin.
Siç njofton Zyra e Kryeministrit, Kurti fillimisht e uroi për detyrën e re dhe e falënderoi guvernatorin Ismaili për angazhimin e tij të deritanishëm në krye të BQK-së, teksa i dha mbështetjen e tij institucionale për realizimin e përgjegjësive dhe misionit të Bankës Qendrore.
Ndërkaq, guvernatori Ismaili e njoftoi kryeministrin Kurti mbi punën e BQK-së, planet dhe synimet.
“Shërbimet bankare, digjitalizimi i tyre dhe rruga drejt zgjidhjes së çështjes së kamotshme të Kartonit të Gjelbër për automjete ishin disa prej temave që u diskutuan bashkë në takim”, thuhet në njoftimin e ZKM-së.
