Një stuhi diellore pritet ta godasë Tokën nesër, si pasojë mund të prishë sinjalet GPS dhe radio. Një “filament i ngjashëm me gjarpërin” nga Dielli, të cilin NASA parashikon se do të ndodhë më 19 korrik, do të jetë një “goditje e drejtpërdrejtë” sipas Dr Tamitha Skov, duke shtuar se duhet “të presim ndërprerje të sinjalit në pjesë të Tokës natën”.
Megjithatë, është e mundur që stuhia mund të vijë edhe më vonë këtë javë. Stuhia e klasës G1, e cila është “e vogël” por mund të ndikojë në operacionet satelitore, mund të godasë Tokën më 20 ose 21 korrik, sipas SpacWeather.
Origjina e stuhisë vjen nga një nxjerrje e masës koronale, një lëshim i plazmës dhe energjisë magnetike, e cila u hodh nga Dielli më 15 korrik nga një filament i paqëndrueshëm i magnetizmit. Këto shpërthime janë të afta të lëshojnë 100,000 herë më shumë energji sesa gjenerojnë të gjitha termocentralet në Tokë gjatë një viti.
Këto stuhi vijnë pasi Dielli është në fazën aktive të ciklit të tij diellor 11-vjeçar, me incidente si këto që pritet të rriten në frekuencë.
Gjatë fundjavës, një strukturë e madhe e plazmës dhe fushës magnetike e njohur si një “i shquar” u shkëput nga Dielli.
