Ura e Peljeshacit, e cila lidh pjesët më jugore të Kroacisë do të hapet me një ceremoni zyrtare më 26 korrik.
Ura 2.4 kilometra e gjatë, së bashku me 20 km rrugë hyrëse, do të hapet për publikun për trafik më 26 korrik me ceremoninë zyrtare në të cilën do të marrin pjesë presidenti dhe kryeministri i Kroacisë.
Makina e parë e cila do të kaloj mbi urë është Rimac Nevera, hipermakinë tërësisht elektrike, e prodhuar nga Rimac Automobili.
Nevera do të niset nga njëra anë e urës, ndërsa kampioni i trefishtë evropian i garave Niko Pulić, i cili është nga Dubrovniku, do të niset me një makinë nga ana tjetër e urës. Të dyja makinat do të kalojnë edhe përmes fishekzjarreve.
Pas kësaj, mbi urën do të kalojnë pjesëtarët e brigadës së parë dhe të katërt të gardës kombëtare, 40 prej tyre me motoçikleta.
Një program kulturor dhe artistik do të zhvillohet gjithashtu gjatë gjithë ditës në zonën e pushimit.
Ura, me vlerë 550 milionë euro, u përfundua tre muaj përpara afatit dhe tre vjet pasi punëtorët nga China Road and Bridge Corporation filluan punën.
