Dy ndeshje vlerësohen derbi të xhiros së tetë të Superligës së Kosovës në hendboll.
Të dielën nga ora 18:00 në palestrën “Minatori” në Mitrovicë takohen hendbollistët e Trepçës me ata të Kastriotit të Ferizajt. Ndeshjen e parë të luajtur në Ferizaj, Kastrioti e kishte fituar me një gol dallim, 31:30. Skuadra mitrovicase kërkon revanshin dhe po ashtu ta mbaj pozitën e parë në tabelë.
Po të dielën takohen Rahoveci dhe Prishtina. Kjo ndeshje zhvillohet prej orës 17:00.
Të shtunën prej orës 19:30 janë ndeshjet Besa Famgas – Vushtrria dhe Vëllaznimi – Deçani.
Te hendbollistet kryendeshja është Ferizaj – Samadrexha.
