Kryeministri i vendit Albin Kurti në mbledhjen e Qeverisë ka kumtuar lajmin se është vendosur për rritjen e shtesave për policët e Kosovës dhe atë janë bërë shtatë kategori të shtesave.
Kreu i Qeverisë tha se këto shtesa janë bazuar në situatën aktuale që po kalon vendi dhe se ato do të jenë kështu deri në një vendim tjetër, kurse do të jepen edhe në formë retroaktive që nga hyrja në fuqi e Ligjit për Paga.
Nga ajo që tha kryeministri Albin Kurti, shtesat e rrezikshmërisë për policët e Kosovës janë ndarë të shtatë kategori.
Shtesa për njësitë policore:
-Njësia Speciale Intervenuese, Njësia për Ndërhyrje të Shpejtë dhe Njësia për Mbrojtje të Afërt, do të marrin nga 150 euro shtesë të rrogës bazë,
-Nga 120 euro shtesë do të jepen për Njësitë Speciale Operative; K9 dhe Njësia për Eksplozivët dhe Deminimin.
-Pjesëtarët e patrullave kufitare do të përfitojnë nga 100 euro në muaj, ndërsa pjesëtarët e hetuesisë nga 75 euro shtesë në muaj.
-Ekipet reaguase dhe patrullat që njëherazi përbëjnë edhe numrin më të madh të Policisë së Kosovës do të marrin nga 60 euro shtesë në muaj.
Kurse policëve që angazhohen për sigurimin e objekteve dhe ata në menaxhim të operacioneve, do të ju ndahen nga 50 respektivisht nga 45 euro në muaj.
“Shtesat për rrezikshmëri do të fillojnë të aplikohen nga paga e muajit nëntor. Kurse për muajt e deritanishëm nga hyrja ne fuqi e Ligjit për Paga, shtesat e rrezikshmërisë siç kemi thënë më herët do të ndahen në mënyrë retroaktive”, ka thënë kryeministri Albin Kurti.
