Për herë të dymbëdhjetë, profesori dhe humanisti, Paddy Dewan, nga Australia, po qëndron në Kosovë dhe po kryen operacione në QKUK për fëmijët me anomali të lindura kirurgjike komplekse.
Kështu thuhet në një njoftim nga Shërbimi Spitalor Klinik dhe Universitar i Kosovës, ku thuhet se operacionit e doktorit nga Australia po bëhen bashkë me ekipin e mjekëve nga Klinika e Kirurgjisë së Fëmijëve dhe Anesteziologjisë së QKUK-së.
Tutje bëhet e ditur se ky ekip ka kryer operacione dhe konsultime edhe gjatë fundjavës, ndërsa në tërësi do të operohen 19 fëmijë, kurse janë konsultuar-vizituar 32 fëmijë me probleme kirurgjike.
Ekipi i udhëhequr nga profesori nga Australia ka ardhur në Kosovë me 18 tetor dhe do të qëndrojë deri me 25 tetor 2023 në Kosovë.
