Policia e Kosovës njofton se ka arrestuar një person në Rahovec, nën dyshimin se ka dëmtuar me mjet të mprehtë gomat e dy veturave zyrtare.
Siç bëhet e ditur në raportin 24-orësh të Policisë, ngjarja ka ndodhur rreth orës 20:40 të shtunën, ndërsa i dyshuari është arrestuar rreth orës 22:30 dhe është dërguar në mbajtje.
Policia e ka cilësuar rastin “asgjësim apo dëmtim i pasurisë”, raporton “Betimi për Drejtësi”.
“Rahovec,21.10.2023-20:43. Është arrestuar i dyshuari mashkull kosovar pasi që i njëjti kishte dëmtuar me mjet të mprehtë gomat e dy veturave zyrtare. Pas kryerjes së veprës penale, i dyshuari ishte larguar nga vendi i ngjarjes me një automjet. Rreth orës 22:30 patrulla policore kishte arritur që ta arrestoj të dyshuarin e lartcekur. Pas intervistimit me vendim të prokurorit kujdestar, i dyshuari dërgohet në qendrën e mbajtjes”, thuhet në raportin e Policisë.
