Kryeministri i Kosovës, Albin Kurti, sot do të presë në takim përfaqësuesin special të BE-së për dialogun, Miroslav Lajçak, zëvendësndihmëssekretarin e ShBA-së, Gabriel Escobar dhe këshilltarët e liderëve shtetërorë të Gjermanisë, Francës e Italisë.
Sipas njoftimit të Zyrës së Kryeministrit, takimi do të mbahet në orën 10:00.
Vizita e pesëshes diplomatike në Kosovë vjet gati një muaj pas agresionit të Serbisë në Kosovë.
Në fokus të takimeve do të jetë plani që palët t’i rikthehen procesit të dialogut drejt normalizimit të marrëdhënieve.
Pas vizitës që pesë emisarët do ta kenë në Kosovë, ata pritet që menjëherë ta vizitojnë edhe shtetin e Serbisë.
