Sipas autoriteteve palestineze, numri i njerëzve të vrarë në Gaza është rritur mbi 2 mijë e 300.
Sipas ministrisë së Shëndetësisë së Palestinës, 2 mijë e 329 palestinezë janë vrarë dhe 9 mijë e 714 tjerë janë plagosur.
Ka pak më shumë se një javë që kur persona të armatosur të Hamasit depërtuan në Izrael për të sulmuar civilët dhe ushtarët. Më shumë se 1 mijë e 300 njerëz janë vrarë në Izrael.
Izraeli ka kryer sulme hakmarrëse ajrore në Gaza që atëherë dhe pritet një ofensivë tokësore, raporton BBC.
Forcat mbrojtëse të Izrael nxorën një deklaratë për mediat ku bëjne me dije se trupat ushtarake janë gati të zgjerojnë operacionet e tyre në terren.
“IDF po përgatitet për një ofensivë gjithëpërfshirëse me ndihmën e qindra mijëra trupa nga personeli rezervë”, shkruhet mes të tjerash në deklara.
Momenti kur ky inkursion do të nisë nuk u bë me dije, teksa ka skaduar dhe afati që autoritetet izraelite iu dhanë civilëve palestineze që të largohen nga Gaza.
Mes të tjerash, në deklaratën për shtyp shkruhet se në ofensivë do të përfshihen
forcat ajrore, detare dhe tokësore.
“Pajisjet thelbësore luftarake janë dërguar tashmë në vendet përkatëse dhe batalionet me ushtarë të IDF janë dislokuar strategjikisht në të gjithë vendin”, thuhet mes rreshtash.
