Shefi i industrisë së BE-së Thierry Breton hapi të enjten një hetim për Elon Musk’s X, i pari sipas rregullave të reja teknologjike të BE-së, pasi më herët qortoi platformën e mediave sociale, TikTok dhe Meta se nuk bënë mjaftueshëm për të trajtuar përhapjen e dezinformatave pas sulmit të Hamasit ndaj Izraelit. .
Të tre platformat kanë parë një rritje të përmbajtjes së rreme në lidhje me konfliktin e Izraelit dhe Hamasit, me dezinformimin që duket të jetë më i përhapur në X, thanë studiuesit e mediave sociale për Reuters.
Lëvizja e Bretonit rrit presionin mbi TikTok dhe Meta për të hequr përmbajtjet e paligjshme dhe të dëmshme nga platformat e tyre në mënyrë që të përshtaten me Aktin e Shërbimeve Dixhitale (DSA).
DSA, e cila hyri në fuqi në nëntor të vitit të kaluar, detyron platformat shumë të mëdha në internet dhe motorët e kërkimit të pëpiqen më shumë për të trajtuar përmbajtjen e paligjshme dhe rreziqet për sigurinë publike dhe për të mbrojtur shërbimet e tyre kundër teknikave manipuluese.
Linda Yaccarino, drejtoresha ekzekutive e X të enjten deklaroi se platforma kishte hequr qindra llogari të lidhura me Hamasin dhe kishte ndërmarrë veprime për të hequr ose etiketuar dhjetëra mijëra pjesë të përmbajtjes që nga sulmi, në përgjigje të një letre nga Breton.
“Ne i kemi dërguar @X një kërkesë zyrtare për informacion, një hap i parë në hetimin tonë për të përcaktuar pajtueshmërinë me DSA,” tha Breton në një postim në X, teksa Reuters raporton se nga X nuk pranuan të japin komente në lidhje me veprimin e fundit nga BE-ja.
