Haxhiu: Gjykata Komerciale i ka hapur dyert për mërgatën dhe investitorët e huaj

Ministrja e Drejtësisë, Albulena Haxhiu, ka thënë Gjykata Komerciale, ka arritur progres në promovimin e sundimit të ligjit dhe sistemit të paanshëm të drejtësisë për qytetarët dhe bizneset.Në shënimin e një vjetorit të Gjykatës Komerciale, ajo ka thënë se kjo gjykatë ka hapur dyert për investime nga mërgata dhe investitor të huaj.“Gjykata Komerciale ka arritur progres të dukshëm në promovimin e sundimit të ligjit dhe sigurimin e një sistemi të paanshëm dhe efikas të drejtësisë për qytetarët dhe bizneset në Republikën e Kosovës. Gjykata Komerciale ka hapur derën për mërgatën tonë dhe për investitorët e huaj, duke ofruar zgjidhje profesionale dhe transparente të kontesteve dhe në kohë të arsyeshme. Zgjidhja efikase dhe e drejtë e kontesteve komerciale nga ana e gjykatës tërheq investime, krijon vende pune dhe nxit zhvillim ekonomik”, ka shkruar Haxhiu në Facebook.