Presidentja Osmani arrin në Spanjë: Me kolegët liderë do të flas për sigurinë në Kosovë pas agresionit të Serbisë

Presidentja Vjosa Osmani ka njoftuar se ka arritur në Granada të Spanjës për të marrë pjesën në samitin e tretë të Komunitetit Politik Europian.

Ajo tha se në takimet që do të zhvillojë atje në margjinat e samitit do të flasë për sfidat e sigurisë së Kosovës pas sulmit terrorist nga Serbia.

“Kemi arritur në Granadë për samitin e Komunitetit Politik Europian. Në takime me kolegët liderë, do të diskutoj sfidat e sigurisë në Kosovë pas aktit të agresionit të Serbisë dhe do të ritheksoj angazhimin tonë për thellimin e bashkëpunimit me aleatët për paqen, stabilitetin dhe sigurinë afatgjate”, tha Osmani në X.

We’ve arrived in Granada 🇪🇸 for the European Political Community summit.

In mtngs with fellow leaders, I’ll discuss security challenges in 🇽🇰 after Serbia’s act of aggression & reiterate our commitment to deepening cooperation w/ allies for long-term peace, stability & security.

— Vjosa Osmani (@VjosaOsmaniPRKS) October 4, 2023