Deputeti i Kuvendit të Kosovës, njëherit nënkryetari i Partisë Guxo, Haxhi Avdyli ka kritikuar opozitën, pasi këta të fundit nuk kanë marrëveshjet ndërkombëtare për investimet milionëshe që Bashkimi Evropian i ka paraparë t’i investojë në Kosovë, kryesisht në fushën e arsimit, të shëndetësisë e zhvillimit ekonomik.
Sipas Avdylit, mos votimi i kësaj marrëveshjeje nga partitë opozitare nga radhët e PDK-së dhe AAK-së, janë bërë për inate politike dhe kundër interesave të shtetit tonë.
Deputeti Avdyli, tutje ka thënë se sanksionet e këtyre partive ndaj zhvillimit vendor janë indikacione që ata nuk përfaqësojnë interesin qytetar, por vetëm atë partiak.
“Qindra miliona € donacion nga BE për bursa, investime infrastrukture, shëndetësi, e zhvillim ekonomik edhe sot PDK e AAK nuk i përkrahën me votë.
Meqënëse këto marrëveshje votohen nga 80 deputetë, edhe njëher këto parti treguan që veprojnë me inate e kundër interesave të Kosovës.
Sanksionet e tyre ndaj zhvillimit të vendit, janë indikacione që ata nuk përfaqësojnë as interesin e votuesve të tyre. Sepse tekefundit këto fonde nuk kanë ngjyrim partiak por janë për qytetarët tanë.
Po duan zgjedhje, por me këtë qasje, sdi si do kenë fytyrë tu dalin qytetarëve përpara e tua kërkojnë votën.
Vota kërkohet me ua ndryshu jetën qytetarëve për të mirë, jo me sanksionu zhvillimin e vendit e me dënu një student apo një të papunë.”, ka shkruar Avdyli në facebook.
