Presidentja e Kosovës, Vjosa Osmani, gjatë intervistës për CNN, ka deklaruar se sulmi terrorist në veri lidhet me liderët serbë. Ajo ka thënë se ditët në vijim do të publikohen dëshmi të reja, të cilat tregojnë se presidenti serb, Aleksandar Vuçiq, qëndron prapa kësaj dhe ka dhënë urdhra.
Presidentja tha se nuk ka konfirmim se ushtria serbe është larguar nga kufiri me Kosovën. “Këtë informacion nuk e kanë konfirmuar aleatet tanë ndërkombëtar”, ka thënë Osmani në një intervistë për CNN.
Ajo ka thënë se “akti i agresionit ishte planifikuar shumë mirë, sikurse ai i vitit 2014 në Crime”.
“Fillimisht ata ndërtuan baza ushtarake në linjën prej 400 kilometrash dhe dëshironin që të ketë në fillim tensione në veri dhe me pas sulmi. Kjo do t’i ndihmonte Vladimir Putinit te hapte nje front të ri te luftës. Kjo ishte ajo sikurse ajo koha e Slobodan Milosheviqit gjate viteve 90-ta”, tha ajo, transmeton Telegrafi.
Osmani tha se çdo evidencë lidhet me liderët e shtetit serb.
“Ka pasur video të qarta se si grupi i Radioçiqit ushtrohet ne shtetin serb. Gjithashtu edhe armët qe i kemi kapur, ato nuk janë të njerëzve të rëndomte. Lidhjen e Radoiçiq me Vuçiqin e shohim edhe ne takime të ndryshme kur ishin bashkë”, tha ajo.
“Në ditët në vijim do të publikojmë dëshmi të reja që Vuçiq është pas kësaj dhe ka dhënë urdhra. Në fillim kishte një kampanjë të fuqishme të agresionit para se sulmi të ndodh”, tha Osmani.
