Një personi i është keqësuar gjendja shëndetësore dhe ka mbetur i shtrirë në sheshin e Prishtinës.
Për ta ndihmuar i janë afruar qytetarë të shumtë dhe një pjesëtar i Forcës së Sigurisë së Kosovës (FSK), nga të cilët edhe i është dhënë ndihma e parë.
Ndërkaq nuk ka vonuar dhe në shesh ka hyrë edhe autoambulanca, e cila ka marrë personin dhe ka dërguar për trajtim në qendrën spitalore.
Nuk dihen shkaqet e keqësimit të shëndetit të këtij qytetari, por në pamjet që ka siguruar KosovaNews, shihet gjesti i mirë i disa qytetarëve dhe një pjesëtari të FSK-së, që i japin ndihmën e parë personit.
