Qeveria ka miratuar Projektligjin për Shërbime Sociale. Kryeministri Albin Kurti ka folur për rëndësinë e miratimit të projektligjit për Shërbime Sociale, në plotësimin dhe ndryshimin e tij.
Kryeministri Kurti tha se ligji plotëson mozaikun e mirëqenies dhe zhvillimin e shëndoshë të familjes, ngase raportet e organizatave kredibile- si ndërkombëtare, ashtu edhe ato vendore-kanë identifikuar boshllëqe ligjore, strukturore e organizative, me të cilat ballafaqohet, në njërën anë ofruesit e shërbimeve sociale, si dhe marrësit e këtyre shërbimeve, qytetarët në nevojë sociale.
“Projektligji i ri për shërbime sociale e familjare e plotëson mozaikun e mirëqenies dhe zhvillimin e shëndoshë të familjes. Krahas një sistemi më rigoroz të inspektimit kjo nismë ligjore siguron shërbime cilësore, efektive e të shpejta për viktimat dhunës, fëmijët”, deklaroi, mes tjerash, kryeministri Kurti.
Ministrja e Drejtësisë, Albulena Haxhiu, foli pëqr përparësitë e këtij ligji. Sipas saj, ndryshimet përmbajtjesore të këtij ligji konsiston në klasifikimin e shërbimeve sociale e familjare,në tre nivele: parësore, dytësore e të tretë; saktëson kompetencat institucionale përgjegjëse në nivel komunal e qendror, që duhet punuar në identifikimin e hershëm të dhunës në familje, dhuna në baza gjinore, etj.
