Aleanca Kosovare e Bizneseve së bashku me disa biznese në Suharekë, kanë shënuar aktivitetin tradicional “Vjelja e Rrushit Kosova 2023 me moto: Unë Konsumoj Produkte Vendore, po ju?”.
Ky aktivitet pati qëllim promovimin e vjeljes së rrushit në plantacionin më të madh, e cila është bërë pikë grumbulluese e shumë produkteve agrare si storie suksesi.
Kryetari i Aleancës Kosovare të Bizneseve, Agim Shahini, tha se është mburrje fakti që Kosova vazhdon të mbetet një ndër eksportueset e verërave gjithandej Evropës e më gjerë.
“Rrushi është vlerë e shtuar e ekonomisë së Kosovës”, tha Shahini.
Edhe zëvendëskryeministrja e Kosovës, Emillia Rexhepi është shprehur e kënaqur ne sukseset dhe cilësinë e rendimentit të rrushit qê po mblidhet sot. Ajo premtoi mbështetje për prodhuesit vendor nga ana e Qeverisë së Kosovës.
Bali Muharremaj, kryetar i Komunës të Suharekës, tha se ka nisur vjelja e rrushit nga vreshtarët. Sipas tij cilësia e rendimentit të rrushit sivjet është e lartë.
